وزیرِاعظم شہباز شریف دی آذربائیجان نال اقتصادی و سرمایہ کاری دے شعبے اچ تعاون و تجارتی شراکت داری کوں تکڑا بݨاوݨ سانڳے جامع لائحہ عمل بݨاوݨ دی ہدایت
APP15-270624
ISLAMABAD: June 27 Prime Minister Muhammad Shehbaz Sharif chairs a meeting regarding promotion of Pakistan-Azerbaijan economic ties. APP/MAF/TZD
اسلام آباد۔27جون (اے پی پی) وزیرِاعظم شہباز شریف دی آذربائیجان نال اقتصادی و سرمایہ کاری دے شعبے اچ تعاون و تجارتی شراکت داری کوں تکڑا بݨاوݨ سانڳے جامع لائحہ عمل بݨاوݨ دی ہدایت کریندے ہوئیں آکھیے جو ݙوہیں ملکاں وچال تجارت تے سرمایہ کاری تے رابطے ودھاوݨ دے وسیع موقع موجود ہن ۔ اے ڳالھ انہاں وسطی ایشیائی ملکاں خاص طور تے آذربائیجان نال اقتصادی و سرمایہ کاری دے شعبے اچ تعلقات دے ودھارے دے حوالے نال اعلیٰ سطح دے اجلاس دی صدارت کریندے ہوئیں آکھی ۔ اجلاس اچ نائب وزیر اعظم تے وزیر خارجہ محمد اسحاق ڈار، وفاقی وزرا احسن اقبال، رانا تنویر حسین، عبدالعلیم خان، سردار اویس خان لغاری، ڈاکٹر مصدق ملک، جام کمال خان، معاون خصوصی طارق فاطمی اتے متعلقہ اعلیٰ حکام شرکت کیتی۔ اجلاس اچ وزیرِاعظم کوں پاکستان تے آذربائیجان وچال تجارت دے حجم، استعداد تے تجارت و سرمایہ کاری دے ودھارے سانڳے اقدامات دا ݙسیا ڳئے ۔ وزیرِاعظم متعلقہ حکام کوں اقتصادی تعاون دے ودھارے تے سرمایہ کاری اچ ودھارے سانڳے جامع لائحہ عمل بݨا تے پیش کرݨ دی ہدایت کیتی ۔ بریفنگ اچ وزیراعظم کوں ݙسایا ڳئے جو پاکستان اتے آذربائیجان وچال ترجیحی تجارتی معاہدے تے ڳالھ مہاڑ تھیندی پئی اے ، آذربائیجان نال توانائی دے شعبے اچ تعاون دے وسیع موقع موجود ہن۔وزیراعظم آکھیے جغرافیائی لحاظ نال پاکستان وسط ایشیائی ریاستاں سانڳے سمندر تئیں اقتصادی راہداری دا قدرتی رستہ ݙیندے، آذربائیجان اتے پاکستان وچال تجارت و سرمایہ کاری دے وسیع موقع موجود ہن ۔ وزیر اعظم آکھیے حکومت دی کاروبار و سرمایہ کاری دوست پالیسیاں دی بدولت ملک اچ غیر ملکی سرمایہ کاری اچ ودھارا تھیندا پئے۔
