موسمیاتی تبدیلی، پاکستان کوں 2010 آلی سیلابی صورتحال دا سامݨا تھی سڳدے، وفاقی وزیر موسمیاتی تبدیلی شیری رحمان دی چتاوݨی

اسلام آباد۔21جون(اے پی پی)وفاقی وزیر برائے ماحولیاتی تبدیلی شیری رحمان چاوݨی ݙتی اے جو موسم تیکھے بدلدا ویندے، پاکستان کوں 2010 آلی سیلابی صورتحال دا سامݨا تھی سڳدے، ایں سانڳے چھل نال نمٹݨ کیتے متعلقہ اداریاں، عملے اتے وسائل کوں متحرک کرݨ کیتے ضلع وار ہنگامی منصوبہ بندی دا آکھ ݙتے۔ ہک ٹویٹ اچ انہاں آکھیا جو ملک اچ ودھ بارشاں پاروں ودھ چھل دا خدشہ اے، کراچی، لاہور، ملتان، پشاور اتے اسلام آباد سودھا وݙے شہراں اچ شہری چھل آ سڳدے، قومی و صوبائی محکماں کوں ممکنہ تباہ کن اثرات نال نبرݨ دے اقدامات دی ہدایت کیتی اے، پاکستان اچ ایں اگست تئیں ساوݨ دیاں بارشاں تھیسن، پنجاب اتے سندھ اچ مینھ معمول توں ودھ پووݨ دی توقع اے، ساوݨ دی شروع تھیوݨ توں پہلے ہی ہندوستان اتے بنگلہ دیش اچ ہنگامی صورتحال اے، دریاواں اتے ندی نالیاں اچ چھل دا خدشہ اے۔

مضمون کا ماخذ : سپرمین: فلم

متعلقہ مضامین