اسلام آباد۔13اگست (اے پی پی) وزیراعظم محمد شہباز شریف یوم آزادی دے پرمسرت موقع تے ملک دی عوام اتے ٻاہرلے ملک رہݨ آلے پاکستانیاں کوں مبارخ ݙیندیں ہوئیں آکھیا جو اسݙی توجہ پاکستان دی اقتصادی ترقی اتے معاشی استحکام تے اے۔ پاکستان دے وسیع قدرتی وسائل اچ سرمایہ کاری کوں راغب کرݨ نال روزگار دے موقع، صنعتکاری دی رفتار تیز اتے معاشی خوشحالی امسی۔افرطِ زر دی شرح 38 فیصد توں ڳھٹ تھی تے جولائی اچ 11.1 فیصد تے آڳئی اے۔ بجلی دے نرخاں اچ ڳھٹکی کیتے کوشش کریندے پئیوں۔ 78ویں یوم آزادی دے موقع تے آپݨے سنیھے اچ وزیراعظم آکھیا جو یوم آزادی دے موقع تے پورے ملک دی عوام اتے ٻاہرلے ملک رہݨ آلے پاکستانیاں کوں دلوں مبارخ ݙینداں۔ اڄ دے ݙینھ مئیں سودھی پوری قوم آپݨے وݙکیاں اتے تحریک پاکستان دے انہاں گمنام ہیروز دی قربانیاں کوں خراج عقیدت پیش کریندی اے جنہاں جنوبی ایشیا اچ کروڑاں مسلماناں کیتے ہک آزاد مملکت جتھ او آپݨے عقائد اتے اقدار مطابق رہ سڳن، کوں ٻݨاوݨ کیتے جدوجہد کیتی۔ انہاں آکھیا جو مملکت خداداد پاکستان علامہ محمد اقبال دے تصور دے عین مطابق 14 اگست 1947 کوں قائداعظم محمد علی جناح دی غیر متزلزل اتے ثابت قدم قیادت اتے اساݙے اسلام دے بے مثال قربانیاں پاروں دنیا دے نقشے تے ہک آزاد اتے خودمختار ملک دے طور ابھریے۔ انہاں آکھیا جو پاکستان دی ترقی اتے خوشحالی اچ اساݙے ٻاہرلے ملک رہݨ آلے پاکستانیاں دے کردار دی وی تعریف کرینداں۔ میں سودھے پوری قوم کوں تساں تے فخر اے۔ انہاں آکھیا جو یوم آزادی دے موقع تے میں آپݨی مسلح فوج دا شکریہ ادا کرینداں جیڑھی اساݙی سرحداں اتے خودمختاری دی حفاظت کریندن۔ افواجِ پاکستان دی لازوال قربانیاں، فرض دی ادائیگی کیتے سچی لگن اتے وطن دی حفاظت کیتے ہر قسم دی قربانی ݙیوݨ دا جذبہ بہوں احترام اتے تعریف دے مستحق ہن۔ وزیراعظم آکھیا جو فروری 2024 دے انتخابات دے بعد اقتدار سنبھالݨ دے بعد توں اساݙی مسلسل توجہ پاکستان دی اقتصادی ترقی اتے معاشی استحکام تے اے۔ صنعت کاری دی رفتار تیز تھیسی اتے ملک اچ خوشحالی امسی۔ انہاں آکھیا جو اساݙی حکومت دی پہلی ترجیح اچ بین الاقوامی معیار دی تعلیم اتے ہنر دی فراہمی وی شامل اے۔ پاکستان دے وسیع قدرتی وسائل اچ سرمایہ کاری کوں راغب کرݨ نال روزگار دے موقع، صنعتکاری دی رفتار تیز اتے معاشی خوشحالی امسی۔افرطِ زر دی شرح 38 فیصد توں ڳھٹ تھی تے جولائی اچ 11.1 فیصد تے آڳئی اے۔ بجلی دے نرخاں اچ ڳھٹکی کیتے کوشش کریندے پئیوں۔ انہاں آکھیا میکوں یقین اے جو شبانہ روز محنت نال اساں آپݨے شہریاں دی ترقی تے خوشحالی کیتے متحد تھی تے آپݨا پندھ جاری رکھیسوں۔ اساں آپݨی ساری توانائیاں اتے سانجھی کوششاں نال اساں سارے ہک ایجھے ترقی یافتہ اتے خوشحال پاکستان کیتے کم کریسوں جئیں دا تصور پاکستان دے بانیاں اساݙے اتے اساݙی نسلاں کیتے پیش کیتا ہئی۔
