قوم دہشتگردی دے خلاف جنگ اچ شہیداں دی قربانیاں دا قرض نی لہا سڳدی، وفاقی وزیرداخلہ سید محسن نقوی

اسلام آباد۔21اگست (اے پی پی) وفاقی وزیرداخلہ سید محسن نقوی آکھیا جو قوم دہشتگردی دے خلاف جنگ اچ شہیداں دی قربانیاں دا قرض نی لہا سڳدی۔ اے ڳالھیں انہاں بدھ کوں متاثرین دہشت گردی دی یاد اتے انہاں کوں خراج تحسین پیش کرݨ دے جڳ ݙیھاڑ تے آپݨے سنیھے اچ آکھی۔ انہاں آکھیا جو سلام انہاں شہیداں کوں جنہاں آپݨا اڄ اساݙے پر امن کل کیتے نچھاور کیتے۔ چھیکڑی دہشت گردی دا خاتمہ کر تے شہیداں دے خون دا قرضہ لہیسوں۔ وزیرداخلہ آکھیا جو دہشت گردی دے خلاف جنگ اچ شہید تھیوݨ آلے قوم دے محسن ہن۔ دہشت گردی دے خلاف جنگ اچ پاکستان دے ہر طبقے قربانیاں ݙتن۔ پاک افواج، پولیس اتے قانون نافذ کرݨ آلے اداریاں دے افسر اتے نینگراں آپݨے لہو نال امن دی آبیاری کیتی اے۔ وفاقی وزیرداخلہ آکھیا جو شہیداں دے نال انہاں دی فیملیز کوں وی خراج تحسین پیش کریندوں۔ اڄ اساں عزم کریندوں جو دہشت گردی دے ناسور کوں منݙھوں پٹݨ تئیں چین نال نہ ٻہسوں اتے اساݙا کل ودھ پر امن ہوسی۔

مضمون کا ماخذ : لوٹیریا سانتا کیٹرینا

متعلقہ مضامین