اسلام آباد ۔ 27 نومبر (اے پی پی)وزیراعظم عمران خان نجی شعبہ دی ترقیاتی منصوبیاں اچ شرکت اچ رکاوٹاں مکاونڑدا عزم کریندے ہوئے وزارتاں کوں ایں بارے ہر سوکھ ڈیونڑ سانگے موجود قوانین اتے عوامل دا جائزہ گھنڑ دی دہایت کیتی اے جو وزراءاتے صوبائی چیف سیکرٹریزاپنڑے محکمیاں اچ اینجھے ترقیاتی منصوبیاں دی نشاندہی کرجتھاں سہولت کاری، قوانین کوں سوکھا کر تے یا گھت مالی وسائل لا تے ترقیاتی منصوبیاں تے کم شروع کیتا ونج سگدے۔ انہاں اے ہدایات ملک اچ معاشی عمل تیز کرنڑ اتے پبلک پرائیویٹ پارٹنر شپ و نجی شعبے دی شراکت داری نال مختلف شعباں اچ ترقیاتی منصوبے شروع کرنڑبارے اعلیٰ سطح اجلاس دی صدارت کریندے ڈتن۔ اجلاس اچ پبلک پرائیویٹ پارٹنرشپ اتے نجی شعبے دے تعاون نال مختلف حکمت عملی اتے رائج طریقہ کارنال ترقیاتی منصوبیاں دے اجراءتے الوائے۔اجلاس اچ ترقیاتی منصوبیاں اچ پبلک پرائیویٹ پارٹنرشپ اتے نجی شعبے دی شراکت داری اچ سوکھ ڈیونڑدا فیصلہ کیتا گئے تاں جو سماجی و معاشی ترقی داعمل تیز تھیوے،نینگراں کوں روزگار ملے۔اجلاس اچ توانائی، مواصلات، ہوابازی، سیاحت، لاجسٹک، ٹیکنالوجی، ویسٹ مینجمنٹ، سوشل سیکٹر، رئیل اسٹیٹ اتے بئے شعبیاں اچ اینجھے منصوبیاں دی نشاندہی کیتی گئی جیندے اچ نجی شراکت داری دے موقع ہوون۔وزیراعظم آکھیا جو نینگراں کوں روزگار، اپنرے کاروبار،چنگی تعلیم و تربیت ڈیونر ترجیح اے جیندے کیتے غیر روایتی طریقے اپناونڑ دی لوڑھ اے۔وزیرِاعظم ترقیاتی منصوبیاں تے بغیر کوئی ویلھا ضائع کیتے بغیرعملدرآمد یقینی بنڑاونڑ کیتے بین الوزارتی، بین الصوبائی اتے وفاقی محکماں دے روابط چنگے کرنڑ تے زور ڈتے۔
