کابل دا دورہ کائنی کیتا ،بھارتی ميڈيا غير ذمہ دارانہ ڳال کیتی اے، وزیر خارجہ مخدوم شاہ محمود قریشی

اسلام آباد۔23اگست (اے پی پی):وزیر خارجہ مخدوم شاہ محمود قریشی آکھیے جو کابل دا دورہ کائنی کیتا ،بھارتی میڈیا غير ذمہ دارانہ گال کیتی اے ،مشاورت دی غرض نال تاجکستان، ازبکستان، ترکمانستان اتے ایران ویساں ۔افغانستان دی ترقی سانگے پڑھے لکھیے لوک درکان ہن ،سارے ٻاہر چلے ڳئے تاں افغانستان متاثر تھیسی ، سنوار کوں افغانستان دی موجودہ صورتحال تے وزیر خارجہ اپݨے بیان اچ آکھیے جو بھارتی ميڈيا ميݙے کابل ونڄݨ دا شور مچا تے غير ذمہ دارانہ گال کیتی اے ، جیں توں انہاں دی آپݨی ساکھ متاثر تھئی اے ،بھارتی میڈیا کوں ڳال کرݨ توں پہلے تصدیق کرݨی چاہیدی اے ۔وزير خارجہ آکھیے جو کابل کائنی ڳٰا ،پاکستان اچ ہي اہم اجلاس تھئن ۔وزير خارجہ آکھیے جو کل میݙی یورپی یونین دے خارجہ امور دے سربراہ جوزف بوریل نال ڳال تھئی ، یورپی یونین دے خارجہ امور دے سربراہ کوں ݙسایا جو موجودہ صورتحال دے تناظر اچ ، درپیش چیلنجز دے حوالے نال مشترکہ لائحہ عمل تشکیل ݙیوݨ سانگے خطے دے اہم ملکاں دے دورے تے روانہ تھیندا پیاں ایں سلسلے اچ تاجکستان، ازبکستان، ترکمانستان اتے ایران ویساں اتھاں دی قیادت نال مشورہ کریساں ، ایندے توں پہلے چین نال اساݙی ڳال تھی ڳئی اے ۔

مضمون کا ماخذ : لوٹیریا کا نتیجہ

متعلقہ مضامین