صدر مملکت ڈاکٹر عارف علوی دی انشورنس کمپنی کوں شہری کوں 57172 آسٹریلوی ڈالر دا پورا ہیلتھ انشورنس کلیم ݙیوݨ دی ہدایت

اسلام آباد۔18اپریل (اے پی پی) صدر مملکت ڈاکٹر عارف علوی وفاقی انشورنس محتسب دا حکم برقرار رکھیندیں ہوئیں آکھیا جو انشورنس کمپنی پالیسی ہولڈرز دے فائدے دے تحفظ کوں یقنی ٻݨاوݨ دا پابند اے، صدر مملکت ڈاکٹر عارف علوی دی انشورنس کمپنی کوں شہری کوں 57172 آسٹریلوی ڈالر دا پورا ہیلتھ انشورنس کلیم ݙیوݨ دی ہدایت کریندیں ہوئیں انشورنس کمپنی دی اپیل مسترد کر ݙتی اے۔ ایوان صدر دے پریس ونگ توں منگل کوں جاری بیان موجب انشورنس کمپنی کمزور بنیاداں تے شہری کوں انشورنس کلیم ݙیوݨ توں انکار کیتا ہئی، شکایت کنندہ (فہد محمود) کمپنی توں والد دے آسٹریلیا ونجݨ کیتے پنڄاہ ہزار ڈالر دی ہیلتھ انشورنس پالیسی ڳھدی، آسٹریلیا اچ رہوݨ وچال شہری دے والد دا ݙو واری ہسپتالاں دا علاج کیتا ڳیا، شہری ہیلتھ انشورنس کلیم دائر کیتا۔ کمپنی صرف پہلی واری داخلے دے کلیم کوں منیا۔ ݙوجھے داخلے دے دعوے کوں پہلے توں موجود بیماریاں کوں لکاوݨ پاروں مسترد کر ݙتا جئیں تے شکایت کنندہ وفاقی انشورنس محتسب ڳیا۔ انشورنس کمپنی محتسب دے حکم دے خلاف صدرمملکت کوں اپیل دائر کیتی جئیں کوں مسترد کر ݙتا ڳیا۔ صدر مملکت ڈاکٹر عارف علوی دی انشورنس کمپنی کوں شہری کوں 57172 آسٹریلوی ڈالر دا پورا ہیلتھ انشورنس کلیم ݙیوݨ دی ہدایت کیتی اے۔

مضمون کا ماخذ : نقدی پھٹنا

متعلقہ مضامین