اسلام آباد۔5اگست (اے پی پی) آزاد جموں تے کشمیر دے صدر بیرسٹر سلطان محمود چوہدری آکھیا جو پنج اگست 2019 کوں بھارت مقبوضہ کشمیر دی خصوصی حیثیت ختم کیتی جئیں دا مقصد مسئلہ کشمیر کوں ختم کرݨا ہئی پر بھارت کوں ایں اچ ناکامی تھئی اے۔ مودی ہندوتوا دے ایجنڈے تے عمل کریندا پئے جئیں دا مکروہ چہرہ ہݨ دنیا تے نشابر تھی ڳئے۔ 5 اگست دے بعد بھارت مقبوضہ کشمیر دی ڈیموگرافی تبدیل کریندا پئے بھارت ہݨ تئیں 42 لکھ توں ودھ جعلی ڈومیسائیل بݨا ڳھدن۔ بھارت دی کوشش اے جو مقبوضہ کشمیر اچ ہندو وزیراعلیٰ ٻݨے پر ناکامی اوندا مقدر ٻݨسی۔ اڄ دے ݙینھ اساں کشمیری عوام کوں یقین ݙویندوں جو پاکستان اتے آزاد کشمیر اتے پوری دنیا اچ وسݨ آلے پاکستانی اتے کشمیری انہاں دے نال ہن۔ یاسین ملک دی رہائی اتے مقبوضہ کشمیر اچ انسانی حقوق دی سنگین خلاف ورزیاں تے انٹرنیشنل کورٹ آف جسٹس ونڄݨ دی لوڑھ اے۔ اے ڳالھیں انہاں جمعے کوں جموں کشمیر ہاؤس اسلام آباد اچ یوم استحصال بارے ہک پرہجوم پریس کانفرنس نال خطاب کریندیں ہوئیں آکھی۔ صدر آزاد جموں وکشمیر بیرسٹر سلطان محمود چوہدری آکھیا جو اساݙی کوشش رہی اے جو اقوام عالم اچ بھارتی مظالم بے نقاب کیتے ونڄن۔ پنج اگست 2019 کوں بھارت مقبوضہ کشمیر دی خصوصی حیثیت ختم کیتی جئیں دا مقصد مسئلہ کشمیر کوں ختم کرݨا ہئی پر بھارت کوں ایں اچ ناکامی تھئی اے۔ مودی ہندوتوا دے ایجنڈے تے عمل کریندا پئے جئیں دا مکروہ چہرہ ہݨ دنیا تے نشابر تھی ڳئے۔
