قوم کوں کیپٹن کرنل شیر خان شہید دی شجاعت و بہادری تے فخر اے، سپیکرو ڈپٹی سپیکرقومی اسمبلی

اسلام آباد۔5جولائی(اے پی پی) سپیکر قومی اسمبل راجہ پرویز اشرف اتے ڈپٹی سپیکر زاہد اکرم درانی آکھیے پوری قوم کوں کیپٹن کرنل شیر خان شہید دی شجاعت و بہادری تے فخر اے اتے اپݨے ایں بہادر اتے جری سپوت کوں سلام پیش کریندی اے۔ ٻدھ کوں کرنل شیر خان شہید دی 24 ویں برسی دے موقع تے آپݨے انڄ انڄ پیغامات اچ انہاں کرنل شیر خان شہید (نشان حیدر) کوں خراج عقیدت پیش کیتے۔سپیکر راجہ پرویز اشرف آکھیے کیپٹن کرنل شیر خان شہید کارگل دے محاذ تے مادر وطن دی حفاظت کریندے ہوئیں جام شہادت نوش کیتے ۔ کرنل شیر خان 17 ہزار فٹ دی بلندی تےواقع گلتری دے مقام تے داد شجاعت دی تاریخ رقم کیتی اتے دشمن کوں پسپا تھیوݨ تے مجبور کیتے۔ دشمن وی کیپٹن کرنل شیر خان شہید دی بہادری اتے شجاعت دے متعرف ہن ۔پاک افواج دے جواناں ہمیشہ ملک دی طرف میلی اکھ نال ݙیکھݨ آلیں دا جان دی پروا کیتے بغیر جرات و بہادری نال مقابلہ کیتے۔ دہشت گردی دے خلاف جنگ اچ پاک افواج لازوال قربانیاں پیش کیتن ڈپٹی سپیکر آکھیے پاک افواج دے شہدا دی قربانیاں کوں تاریخ اچ سنہری حروف اچ یاد رکھیا ویسی ۔ پاک افواج ملک دی سلامتی و بقا کیتے عظیم قربانیاں پیش کیتن جیں تے اساکوں فخر اے ۔

مضمون کا ماخذ : را کی کتاب

متعلقہ مضامین