اسلام آباد۔8فروری(اے پی پی) وفاقی وزیرمنصوبہ بندی، ترقی ، اصلاحات وخصوصی اقدامات پروفیسراحسن اقبال آکھیے اڄ دنیا نویں سائنسی انقلاب تے پڄ ڳئی اے ،چین پاکستان دا ݙکھ سکھ دا سنگتی اے ،چین تھر کول کیتے سرمایہ کاری کیتی تے ٹیکنالوجی وی ݙتی ،نوے دی ݙھاکے ساݙے ملک اچ پاور گیم اساکوں پچھوں سٹ ݙتا ۔ اے ڳالھ انہاں ٻدھ کوں پاک چائنا اسپیس سمپوزیم توں خطاب کریندے ہوئیں آکھی اے ۔ وفاقی وزیر آکھیے اڄ دنیا نویں سائنسی انقلاب تے پڄ ڳئی اے ، سائنسی ریسرچ انسانی ترقی کوں بوسٹرز لاݙتے ،اڄ آرٹیفشل انٹیلیجنس، بگ ڈیٹا اتے ٻئے ایمرجنگ فیلڈز انڈسٹریل انقلاب گھن آندے پئن ۔ انہاں آکھیے چین ثابت کیتے او پاکستان دا صرف لفظاں دا یار کائنی ، پاکستان دا ݙکھ سکھ دا ساتھی اے، جݙاں کوئی وی ملک سرمایہ کاری نہ کریندا پیا ہئی ،چین 46 ارب ڈالرز دی سرمایہ کاری توں سی پیک شروع کیتا ، اوں سرمایہ کاری پوری دنیا اچ پاکستان دی شناخت کوں بدال ݙتا ، ساݙی حکومت 3 سالاں اچ 29 ارب دے منصوبے شروع کیتے، ایران تے سعودی عرب دے تیل دے ذخائر دے برابر تھر اچ کولیں دے ذخائر ہن۔ چین تھر کول کیتے سرمایہ کاری کیتی تے ٹیکنالوجی وی ݙتی وں ویلھے یورپی ملکاں وی سی پیک منصوبے دا حصہ بݨݨ چاہند ہن انہاں آکھیے 1960 اچ پاکستان کوں ایشیا دا نواں جاپان آکھیا ویندا ہئی ۔ اساں 1965 دی جنگ شروع کرتے خود کوں پچھوں سٹیا ۔ 1990 اچ ساݙی پالیسیاں دی وجہ توں شرح نمو 7 اعشاریہ 7 فیصد تئیں پڄ ڳئی ۔1990 دے ݙھاکے ساݙے ملک اچ پاور گیم اساکوں پچھوں سٹ ݙتا ایں ویلھے دے بھارتی وزیر خزانہ من موہن سنگھ پاکستان توں اصلاحات دی کاپی منگی جیں تے سرتاج عزیز بھارتی وزیر خزانہ کوں اصلاحات دی کاپیاں ݙتیاں۔ بھارت انہاں اصلاحات تے عمل کیتا تے 2000اچ او اساکوں پیچھوں چھوڑ ڳیا۔ 2016 اچ چین دی ہر کمپنی دا دفتر اسلام آباد اچ کھلدا پیا ہئی ۔ گزریل دور حکومت اچ سی پیک نال جڑیے منصوبیں کوں سکنڈلائز کیتا گیا۔ ایں قسم دے رویے دی وجہ توں چینی سرمایہ کار اتھوں چلیے ڳئے ۔ چینی سرمایہ کاراں دے اعتماد کوں خراب کیتا ڳیا ہݨ اساں فیصلہ کرݨا اے جو اساں سیاسی تھیٹر لاوݨا اے یا معاشی اہداف حاصل کرݨے ہن ، جے اساں سپیس ٹیکنالوجی اچ کم نہ کیتا تاں اساں سکیورٹی خدشات توں ݙوچار تھی ویسوں ،نویں ٹیکنالوجیز سستی کائنی، انہاں کیتے تکڑی معیشت ضروری اے۔
