جدید علوم حاصل کرتے دنیا کوں دین دا تابع ٻݨاوݨ اساݙے دین دا سبق اے، وفاقی وزیر مذہبی امور

فیصل آباد۔ 24 جنوری (اے پی پی) وفاقی وزیر مذہبی امور انیق احمد آکھیا جو علم اصل اچ خدا خوفی دا ناں اے، اللہ دی خشیت صاحبان علم دے دل اچ ہوندی اے، جدید علوم حاصل کرتے دنیا کوں دین دا تابع ٻݨاوݨ اساݙے دین دا سبق اے۔ اہل علم کوں چاہیدے جو او رب کائنات دی خشیت کیتے نویں راہ ڳولن جئیں تے آوݨ آلے ٹر سڳن۔ او بدھ کوں جامعہ سلفیہ حاجی آباد فیصل آباد اچ تکمیل مفتی ڈگری کورس دی تقریب توں خطاب کریندے پئے ہن۔ انہاں آکھیا جو انہاں کوں ایں کتاب اچ شرکت اتے جامعہ دا بہترین ماحول ݙیکھ تے ٻہوں خوشی تھئی اے جڈانجو انہاں کوں بابا فریدگنج شکرؒ اتے حضرت خواجہ معین الدین چشتیؒ تے پی ایچ ڈی دے تھیسز ݙیکھ تے اطمینان تھیے۔ انہاں آکھیا جو برصغیر دے علمائے حق دین دی وݙی خدمت کیتی اے۔ انہاں آکھیا جو اساکوں دینی مدارس اسلامیہ دا احسان مند ہووݨاچاہیدے جو اساݙے مدرسیاں دینی علوم کوں نہ صرف محفوظ رکھیے بلکہ اوندی آبیاری کیتے ݙینھ رات کوششاں جاری ہن۔ انہاں آکھیا جو اساݙے نبی ﷺ دا مقام ٻہوں اُچا اے جڈانجو صحابہ کرام وی ٻہوں اُچے مقام رکھیندن۔ بعد اچ وفاقی وزیر مذہبی امور انیق احمد جامعہ توں مفتی دا کورس مکمل کرݨ آلے 12 مفتیاں کوں انعامات وی ݙتے۔

مضمون کا ماخذ : میگا ملینز لائیو ڈرا

متعلقہ مضامین