کاروباری برادری اتے سرمایہ کاراں دی پاکستان کیتے خدمات قابلِ تحسین ہن، حکومت معیشت کوں دستاویزی ٻݨاوݨ اتے ادارہ جاتی اصلاحات دے ایجنڈے تے عمل کریندی پئی اے ، نگران وزیراعظم انوار الحق کاکڑ

کراچی۔8دسمبر (اے پی پی) نگران وزیرِ اعظم انوار الحق کاکڑ آکھیا جو کاروباری برادری اتے سرمایہ کاراں دی پاکستان کیتے خدمات قابلِ تحسین ہن، حکومت معیشت کوں دستاویزی ٻݨاوݨ اتے ادارہ جاتی اصلاحات دے ایجنڈے تے عمل کریندی پئی اے۔وزیراعظم آفس دےمیڈیا ونگ توں جاری بیان موجب اے ڳالھیں انہاں پاکستان اسٹاک ایکسچینج دے ارکان اتے پاکستان دی معروف کمپنیاں دے سربراہان نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ ملاقات اچ نگران وفاقی وزیرِ خزانہ اتے پاکستان اسٹاک ایکسچینج دی چیئرپرسن ڈاکٹر شمشاد اختر، چیف ایگزیکٹو آفیسر پاکستان اسٹاک ایکسچینج فرخ خان، چیئرمین سکیورٹیز اینڈ ایکسچینج کمیشن آف پاکستان عاکف سعید اتے پاکستان دی بئی کمپنیاں دے سربراہان شریک تھیے۔ ملاقات اچ سی ای او پاکستان اسٹاک ایکسچینج وزیرِ اعظم دے خصوصی دورے تے انہاں دا شکریہ ادا کیتا اتے اسٹاک ایکسچینج بارے بریفنگ ݙتی۔

مضمون کا ماخذ : سٹاربرسٹ

متعلقہ مضامین